ΚΑΤΑ ΛΟΥΚΑΝ 21:1-8

SBL Greek New Testament

21 Ἀναβλέψας δὲ εἶδεν τοὺς βάλλοντας ^[a]εἰς τὸ γαζοφυλάκιον τὰ δῶρα αὐτῶν πλουσίους. ² εἶδεν δέ ^[b]τινα χήραν πενιχρὰν βάλλουσαν ἐκεῖ ^[c]λεπτὰ δύο, ³ καὶ εἶπεν· Ἀληθῶς λέγω ὑμῖν ὅτι ἡ χήρα ^[d]ἡ πτωχὴ αὕτη πλεῖον πάντων ἔβαλεν· ^4 [e]πάντες γὰρ οὗτοι ἐκ τοῦ περισσεύοντος αὐτοῖς ἔβαλον εἰς τὰ ^[f]δῶρα, αὕτη δὲ ἐκ τοῦ ὑστερήματος αὐτῆς ^[g]πάντα τὸν βίον ὃν εἶχεν ἔβαλεν.

⁵ Καί τινων λεγόντων περὶ τοῦ ἱεροῦ, ὅτι λίθοις καλοῖς καὶ ἀναθήμασιν κεκόσμηται εἶπεν· ⁶ Ταῦτα ἃ θεωρεῖτε, ἐλεύσονται ἡμέραι ἐν αἷς οὐκ ἀφεθήσεται λίθος ἐπὶ ^[h]λίθῳ ὃς οὐ καταλυθήσεται.

⁷ Ἐπηρώτησαν δὲ αὐτὸν λέγοντες· Διδάσκαλε, πότε οὖν ταῦτα ἔσται, καὶ τί τὸ σημεῖον ὅταν μέλλῃ ταῦτα γίνεσθαι; ⁸ ὁ δὲ εἶπεν· Βλέπετε μὴ πλανηθῆτε· πολλοὶ γὰρ ἐλεύσονται ἐπὶ τῷ ὀνόματί μου ^[i]λέγοντες· Ἐγώ εἰμι καί· Ὁ καιρὸς ἤγγικεν· ^[j]μὴ πορευθῆτε ὀπίσω αὐτῶν.